شبكة ال كناد الحرقان عبيدة قحطان
قبيلة ال كناد الحرقان عبيدة قحطان
ترحب

((تاصل عبيده مقعدة كل عاتي))

استعرض الموضوع السابق استعرض الموضوع التالي اذهب الى الأسفل

((تاصل عبيده مقعدة كل عاتي))

مُساهمة من طرف عبدالعزيزبن مذكربن كزمان في السبت أبريل 30, 2016 5:38 pm


((تاصل عبيده مقعدة كل عاتي))
الشاعر العلم رحمه الله : محمد بن جروان العلياني الجحادر قحطان .
ومناسبة القصيده انه قد دخل السجن الكويتي واخذ فيه مايقارب ثمان سنوات فأرسل
3 قصائد الى قبيله قحطان يزهمهم فيها بأن يطلقو سراحه .

اترككم مع القصيده وهي :
ياراكبً من فوق مثل البتاتي @@ هجنً كما وصف النعام المظاليل .
حيلً عصت بحيال ومعشباتي @@ لازرفلت مثل القطا ورد الغيل .
كنها محاحيلٌ هوت مفرساتي @@ واهلها للارض الغريبه دواليل.
مافوقها الا الميركه والوجاتي @@ واقرب تناشيح وخرج المعاميل .
تريضو مقدار وخذو وصاتي @@ هرجً على المعنى صحيحً ليا قيل .
ملفاكم ابن عضيب ستر البناتي @@ عدال مايلانا لا دلبح الميل .
خالد الا مانشف ريق الشفاتي @@ حلحيل حيلاتً الا قصر الحيل .
وقولو ترانا بين موت وحياتي @@ لاتاخذه فينا حكايا العواذيل .
وشيخ ال روق بلغوه بوصاتي @@ ليته يشوف اللي علينا من الميل .
ومرو على العماج حبس العصاتي @@ اسمه وجسمه بينً كنه سهيل .
مقدم هل الهزلا كبير الحكاتي @@مثقال زمل مروجسات الخلاخيل .
بيته على الجال الشمالي ثباتي @@ متشطرً لمروحين الهشاشيل .
انخوه لا جيتوه عد نخواتي @@ يفطن لنا بالواردات المقابيل .
ثم من الهياثم صبحها سارحاتي @@ ملفاكم اهل الرين حلً مقاييل .
مخدمات بروك ومعقلاتي @@ قال ابن ناصر قلطو يارجاجيل .
ابدو عليه شمام علمً ثباتي @@ واثنو عليه العلم وانخوه بالحيل .
وقولو عيالك في حياة الشماتي @@ محطوط بالرجلين طبل وسلاسيل .
يبدي على ابن سعود ولا فياتي @@ هذا من الواجب على مثل ماقيل .
هو شيخنا الاول وحنا العباتي @@ مايطلق المسجون هرج التعاليل .
خليل يامروي سليل الشباتي @@ لاما غدى عج الرمك كنه الليل .
ومنه لابن سفران متوجهاتي @@ واعيد اهل هجنً عجاف ومهازيل .
يلزم عليكم عندهم بالمباتي @@ ويحط فوق العيش من عقر الحيل .
وقولو علام اخباركم ساكناتي @@ ماكن بحبس الكوت منكم رياجيل .
عطوه مامعكم وزلو فواتي @@ ولكم مع شيخ العواطف تعاليل .
ابدو تحيتكم وهن واقفاتي @@ عطوه مكتوبه وفوتو مشاميل .
ومرو على ابن حويل وهي جاهزاتي @@ لعلعه يبين لنا وينهض الجيل .
تلفون ابن لبده وديع الوصاتي @@ هو سيفنا لاضاع حكي الرياجيل .
قولو لزومً ناصلك يوم ناتي @@ نعطيك سر العلم قصرً وتفصيل .
ربعك عليهم حامت الحايماتي @@ يرجون منكم رد علم ومراسيل .
والصبح يم اهل الحصي سارحاتي @@ ملفاكم الحلقه عصيرً طفيليل .
انخو بني عمي وهي غايراتي @@ خيالة الجدعا زحول الرياجيل .
ظفران لاجا من حفيفً وصاتي @@ ردو النقا ولاخذو البل هل الخيل .
والاد بن لاحق هل الطايلاتي @@ هم ذخرنا لاكملن المحاصيل .
كرمان لاجات السنين شقفاتي @@ لانكست الاسعار ثم شهذب الكيل .
ومنها لابن عبود خمسً ضواتي @@تشدي جضوضً رد واسبق من التيل .
لا ما افبلت لاكن عليها جناتي @@ تاخذ على الديره ثلاثة محاويل .
انخوه بصوت من سمع فيه ياتي @@ لين السطر يضرب بروس الرياجيل .
اي لا غدا فيهم قليلً وعاتي @@ قولو سلامتكم وحنا المراسيل .
خوذو مكاتيبً من الكوت جاتي @@من خبرة تشكي عليكم من الحيل .
مابه مرض غير الحلق مبهماتي @@ واصياخ صبً غير عجمً مفاتيل .
ثم قلطوها يم غاية شفاتي @@ يم السباع الضاريه كل حلحيل .
تاصل عبيده مقعدة كل عاتي @@ تلفون ابن شفلوت ريف المراميل .
تلفون شيخً ينطح الكايداتي @@ مقدم عبيده كاسبين التنافيل .
انخوه بسم جدوده الاولاتي @@ انخولنا لنا نمر المهار المشاويل .
ثم يممو برقابها مجنباتي @@ يم الحباب متعبين المعاميل .
اهل الفخر وفعولهم ماضياتي @@ ويعدلون الضد بالسيف تعديل .
ان كان شيوخي تممو واجباتي @@ طاب الكرى لي يالعيال المشاكيل .
وكني ملكت حدود شط الفراتي @@ والبصرة الفيحاء على ساحل النيل .
وان كان ربعي ما ادركو لي شفاتي @@ وخلي علي تقضم لحي المحابيل .
فريال مانسواه دامت حياتي @@ انشهد اني تو شفت الغرابيل .
لوا شباب فات لوا حياتي @@ سوالفً راحت كما طايف الليل .
صلو على سيد البشر بالصلاتي @@ على النبي صلو وزيدوه تهليل .
وسلامتكم .
avatar
عبدالعزيزبن مذكربن كزمان
Admin

عدد المساهمات : 210
تاريخ التسجيل : 26/04/2016
العمر : 39
الموقع : الرياض

معاينة صفحة البيانات الشخصي للعضو http://505alknad.3arabiyate.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى